10 shoferë të ndaluar për drejtim të pakujdesshëm

Ministria e Punëve të Brendshme ka privuar nga liria 10 shoferë gjatë 24 orëve të fundit në lokacione të ndryshme të Maqedonisë së Veriut. Sipas MPB, shtatë prej tyre kanë drejtuar automjete pa dhënë provimin e vozitjes, ndërsa tre kanë qenë në timon pavarësisht ndalesës aktive për drejtim. Në mesin e të arrestuarve janë edhe dy të mitur, të moshës 15 dhe 16 vjeç, dhe njëri që është kapur duke drejtuar nën ndikimin e alkoolit. Për rastet do të parashtrohen kallëzime penale përkatëse.