Sa për qind rriten çmimet e apartamenteve në Zvicër?
Apartamentet u rritën me 4.5 për qind në vit, ndërsa Cyrihu shënoi rritjen mujore më të madhe me 2.3 për qind.
ZVICËR — Apartamentet në Zvicër u rritën me 4.5 për qind në vit, duke arritur në 9,526 franga për metër katror, ndërsa shtëpitë shënuan rritje më të matur, me 3.1 për qind, në 8,011 franga për metër katror. Çmimet e pronave rezidenciale vazhdojnë të rriten në mbarë vendin, sipas raportit të muajit qershor.
Cyrihu regjistroi rritjen më të lartë mujore me 2.3 për qind, i ndjekur nga Zvicra Qendrore me 1.7 për qind, Zvicra Veriperëndimore me 1.5 për qind, Ticino me 1.1 për qind dhe rajoni i Gjenevës me 0.4 për qind. Dallimet rajonale mbeten të dukshme, sipas portalit të pasurive të paluajtshme Immoscout24.
Burim: Gazeta Express
— Redaksia ZHURMA