Pse mbrohet kompania e Zvërnecit nga akuzat për projektin në bregdet?

TIRANË — Kompania “Zvërnec South Adriatic Development” ka reaguar ndaj kritikave për projektin e saj 4 miliardë euro në Zvërnec, duke akuzuar se po “abuzohet me ndjenjat e publikut” në rrjetet sociale për të përbaltur një “sipërmarrje kolosale për turizmin dhe ekonominë shqiptare”.

Në njoftimin për shtyp, kompania theksoi se vepron “në zbatim strikt të legjislacionit shqiptar dhe në dialog të vazhdueshëm” me institucionet.

Reagimi vjen pasi projekti ka ngjallur debate të ashpra në opinionin publik për shkak të ndikimit mjedisor dhe pronësisë së tokës në zonën e mbrojtur të lagunës së Zvërnecit.

Burim: ABC News, https://abcnews.al/investim-4-miliarde-euro-projekti-ne-zvernec-reagon-kompania-prona-eshte-private/
— Redaksia ZHURMA