Zjarr në Bulqizë: dy banesa rrezikohen
Zjarrfikësit izoluan flakët dhe shmangën përhapjen; nuk ka të lënduar, vetëm dëme materiale.
BULQIZË — Një barakë që shërbente si magazinë u përfshirë nga flakët pasditen e premtes në fshatin Lepurakë, në Njësinë Administrative Fushë-Bulqizë. Zjarri me përmasa të mëdha rrezikoi seriozisht dy banesa pranë saj.
Familjarët dhe banorët e zonës tentuan të neutralizojnë zjarrin me mjete rrethanore, por për shkak të intensitetit të flakëve kërkuan ndihmën e shërbimit zjarrfikës dhe Policisë. Forcat zjarrfikëse mbërritën në kohë dhe izoluan flakët, duke shmangur përhapjen drejt banesave.
Fatmirësisht nuk raportohen persona të lënduar, ndërsa dëmet janë vetëm materiale, sipas korrespondentit të Top Channel Dëfrim Karaj. Policia e Bulqizës ka nisur hetimet për të zbardhur shkaqet, ku dyshohet një defekt në rrjetin elektrik ose pakujdesi njerëzore gjatë punës në magazinë.
Burim: Top Channel
— Redaksia ZHURMA
