Zjarri në Bulqizë rrezikon banesat në Zall-Strikçan, zjarrfikësit në terren

Banorët e fshatit Zall-Strikçan, në Njësinë Administrative Zerqan të Bulqizës, u përballën me një situatë shqetësuese pasi një vatër zjarri përfshiu zonën. Përhapja e shpejtë e flakëve u ndikua nga bari i thatë dhe erërat e forta, duke i afruar ato pranë banesave.

Në terren kanë mbërritur forcat zjarrfikëse, të cilat po përballen me vështirësi për shkak të erës dhe terrenit. Banorët janë angazhuar gjithashtu për të ndihmuar në izolimin e flakëve dhe për të mbrojtur shtëpitë e tyre, duke qëndruar në gatishmëri për të shmangur përhapjen e zjarrit drejt zonave të banuara.