Vazhdo leximin
⌕ ☆
Politikë

Zhupa: Saranda pa kinoteatër, Caci nuk kërkon fonde rikonstruksioni

Kryetarja e Komisionit për Kulturën ngre shqetësimin për sallën e mbyllur në Sarandë, ndërsa Qendra Kombëtare e Kulturës thotë se bashkia nuk ka aplikuar për fonde.

Redaksia ZHURMA · · 1 min lexim

SARANDË — Gjatë shqyrtimit të buxhetit të Qendrës Kombëtare të Kulturës, kryetarja e Komisionit për Kulturën, Turizmin dhe Diasporën, Ina Zhupa, ngriti shqetësimin për mungesën e investimeve në jetën kulturore të qytetit dhe mbajtjen mbyllur prej vitesh të së vetmes sallë kinoteatri. Ajo kërkoi shpjegime se përse qyteti nuk përfshihet në programet e mbështetjes për rikonstruksionin dhe rijetëzimin e hapësirave kulturore.

Zhupa: Saranda pa kinoteatër, Caci nuk kërkon fonde rikonstruksioni
Foto: botasot.info
Video · Facebook ↗

Në përgjigje të kësaj kërkesë, kreu i Qendrës Kombëtare të Kulturës, Jonid Jorgji, sqaroi se Bashkia Sarandë nuk ka aplikuar për të përfituar fonde. Nga ana e saj, deputetja Zhupa e quajti bashkinë si «të keqen e madhe të Sarandës» dhe shtoi se «Bashkia Sarandë nuk ka asnjë interes për jetën kulturore të qytetit», duke fajësuar kryetarin Olti Caci për mungesë vullneti dhe përgjegjësie. Ajo premtoi se pas 9 majit do të ndërtohet poli kulturor dhe do të rikthehet dinjiteti i humbur përmes programit të Partisë Demokratike.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Brezovicë 26 kamera →
Pyet Zhurmën
Shërbime, enciklopedi dhe lajme