Rama merr pjesë në Forumin e Zgjerimit të BE-së në Bruksel
Kryeministri shqiptar do të zhvillojë takime me drejtuesit e institucioneve evropiane gjatë vizitës në Bruksel.
Redaksia ZHURMA · · Përditësuar · 1 min lexim
Kryeministri i Shqipërisë, Edi Rama, merr pjesë në Forumin e II-të të Zgjerimit të Bashkimit Evropian që mbahet në Bruksel, nën temën “Evropë më e gjerë – Evropë më e fortë”. Ky aktivitet bashkon përfaqësues të institucioneve evropiane dhe vendeve kandidate për të diskutuar ecurinë e reformave, procesin e integrimit dhe perspektivën e anëtarësimit.
Në fokus të diskutimeve janë progresi i vendeve aspirante, Paketa e Zgjerimit për këtë vit si dhe investimet dhe rritja ekonomike. Kreu i qeverisë shqiptare do të mbajë fjalë në panelin me temë “Realizimi i Zgjerimit: Reformat, Investimet dhe Rritja Ekonomike”, ndërsa agjenda përfshin edhe takime me Presidentin e Këshillit Evropian, Antonio Costa, dhe Presidenten e Parlamentit Evropian, Roberta Metsola.