Zhegrova asiston dhe Alajbegovic shënon gol ndaj Napolit

Juventusi ka kaluar në avantazh ndaj Napolit në përballjen e vlefshme për javën e dhjetë të kampionatit italian, Serie A. Skuadra bardhezi ka dominuar takimin që nga fillimi, ndërsa goli i epërsisë ka ardhur pas shtatëdhjetë minutash lojë në fushë.

Aksioni vendimtar i ndeshjes ka nisur nga futbollisti i Kosovës, Edon Zhegrova, i cili ka kaluar Oliveran me një driblim të bukur dhe më pas ka asistuar te futbollisti boshnjak Kerim Alajbegovic. Ky i fundit e ka dërguar topin në rrjetë me një goditje të fuqishme nga distanca, duke e lënë portierin e Napolit plotësisht të shtangur pa i dhënë mundësi reagimi.

Ky realizim shënon golin e parë të boshnjakut në Serie A, ndërkohë që për Zhegrovën ky është asistimi i tretë në këtë edicion garues.