Zhegrova para mundësisë së artë te Juventusi pas lëndimeve

Edon Zhegrova mund të përfitojë nga mungesat në repartin ofensiv të Juventusit për të siguruar një vend në formacionin startues të trajnerit Luciano Spalletti. Pas Francisco Conceicaos, në listën e të lënduarve është shtuar edhe Nico Gonzalez, i cili pësoi një dëmtim muskulor në pulpën e këmbës së djathtë dhe pritet të mungojë rreth një muaj.

Sipas parashikimeve të gazetës italiane „Gazzetta dello Sport“, ylli i Kosovës është në garë me boshnjakun Kerim Alajbegovic për një vend titullari në ndeshjen e së dielës ndaj Lecces. Alajbegovic shihet si favorit i lehtë, ndërsa në garë për formacionin është edhe Jeremie Boga.

Zgjedhja e trajnerit Spalletti do të varet nga skema taktike. Nëse Juventusi përdor formacionin 3-4-1-2 prapa sulmuesve Randal Kolo Muani dhe Nick Woltemade, Alajbegovic duket se ka përparësi, kurse një rikthim te skema 3-4-2-1 mund t'i krijojë më shumë hapësirë Zhegrovës. Meqenëse nuk është i regjistruar në garat e UEFA-s, Serie A mbetet mundësia kryesore për të fituar minuta dhe për ta bindur trajnerin.