Zbardhen detajet e sherrit të fshehur mes Kanye West dhe familjes Kardashian

Një konflikt i tensionuar mes Kanye West dhe familjes Kardashian është mbajtur i fshehur nga ekranet televizive. Ngjarja ka ndodhur gjatë xhirimeve të njohur të programit familjar, ndërsa detajet janë bërë publike përmes biografisë së re të Kim Kardashian, të titulluar «Citizen Kim» dhe të shkruar nga Jonathan Van Meter. Sipas rrëfimit të ish-producentes ekzekutive Farnaz Farjam, incidenti u regjistrua në tetor të vitit 2020 gjatë festës së ditëlindjes së Caitlyn Jenner.

Reperi ishte paraqitur në atë ngjarje së bashku me bashkëshorten e tij të asaj kohe, Kim Kardashian, por situata kishte marrë kthesë të papritur kur ai nisi replikat e ashpra ndaj Kris Jenner dhe pjesëtarëve të tjerë të familjes. Shkak i pakënaqësisë së tij ishte mungesa e mbështetjes gjatë fushatës presidenciale të vitit 2020. «I gjithë ai debat 30-minutësh ishte shumë domethënës, por na u desh ta hiqnim gjatë montazhit», ka sqaruar Farjam, duke konfirmuar se përplasja zgjati rreth gjysmë ore.

Megjithëse pamjet e atij momenti u fshinë nga episodi, shikuesit patën mundësinë të kuptonin pasojat emocionale dhe krizën në çift gjatë sezonit të fundit të shfaqjes. Në disa prej skenave, Kim shfaqej e përlotur para motrave të saj Kourtney, Kendall dhe Kylie, duke pranuar se nuk mund ta përballonte më situatën, ndërkohë që edhe dëshira e reperit për t'u shpërngulur në Wyoming kishte rënduar marrëdhënien e tyre që prej martesës së lidhur në vitin 2014.