Xhaferi: Vllaznia nuk është dele, Shkodra ka hedhur regjime e pushtues

SHKODËR — Presidenti i Vllaznisë, Alban Xhaferi, ka deklaruar se askush nuk mund të tallet me klubin dhe qytetin, gjatë një takimi të hapur me stafin e ekipit të parë, Akademisë dhe tifozëve.

Kreu i klubit shkodran u shpreh se Vllaznia nuk është dele dhe se Shkodra ka hedhur regjime e ka luftuar me pushtues, duke qenë shumë më e madhe sesa mund ta imagjinojnë njerëzit e vegjël. Ai ftoi në krijimin e një sinergjie dhe një zëri të përbashkët në mbrojtje të ekipit, pas ngjarjeve të ndodhura në ndeshjen mes Elbasanit dhe Vllaznisë.

Xhaferi gjithashtu kritikoi përfaqësuesit e federatës që vijnë në ndeshje si delegatë dhe më pas dalin në media si analistë.