Ish-shoku i Messit te Barça, Moussa Wague, firmos te Elbasani
Mbrojtësi senegalez vjen nga Panserraikosi i Greqisë dhe numëron 21 paraqitje me kombëtaren e Senegalit.
Redaksia ZHURMA · · Përditësuar · 1 min lexim
ELBASAN — KF Elbasani zyrtarizoi transferimin e mbrojtësit të djathtë senegalez Moussa Wague, futbollist që disa vjet më parë luante në të njëjtën skuadër me Lionel Messin te FC Barcelona, ku ka edhe paraqitje në Ligën e Kampionëve.
Sipas njoftimit të klubit, Wague i bashkohet Elbasanit pas eksperiencës së fundit në Superligën greke me Panserraikosin. Karriera e tij përfshin edhe kalime te Nice në Ligue 1, PAOK në Greqi, Gorica në Kroaci dhe Anorthosis Famagusta në Qipro.
Në nivel kombëtar, mbrojtësi numëron 21 paraqitje me Senegalin dhe ka shënuar gol në Kupën e Botës 2018. "Mbrojtësi i djathtë ka debutuar në La Liga dhe Champions League me FC Barcelona", thuhet në njoftimin e klubit shqiptar.
Burim: IndeksOnline
— Redaksia ZHURMA
