Vushtrria pa shikues në dy ndeshjet e radhës si vendëse
Vushtrria u dënua me dy ndeshje pa shikues dhe 2.500 euro gjobë për lëshime në organizimin e ndeshjes me Dritën.
Redaksia ZHURMA · · 1 min lexim
VUSHTRRI — Klubi i futbollit Vushtrria do t’i luajë dy ndeshjet e radhës si vendëse pa praninë e shikuesve, pas një vendimi të Komisionit Disiplinor dhe Etikës.
Dënimi përfshin edhe gjobë prej 2.500 eurosh, për “lëshim në organizimin e ndeshjes” kundër Dritës, të zhvilluar fundjavën e kaluar. Kampionia në fuqi e Kosovës e fitoi atë takim 1:0, në fushën me bar sintetik në Kampin Nacional të FFK-së në Hajvali, ku Vushtrria ishte nikoqire.
Gjatë ndeshjes, në minutën e 13-të, pati tensione në tribuna mes tifozëve të të dyja skuadrave. Sipas burimit, me ardhjen e tifozëve mysafirë, të cilët u vendosën pas portës, filluan sharje dhe ofendime reciproke, me tentativa për përleshje mes tyre.
