Vlorë, burri godet bashkëshorten me mjet prerës dhe shoqërohet

VLORË — Një ngjarje e rëndë është regjistruar në orët e para të mëngjesit në zonën e Ujit të Ftohtë në Vlorë, ku një çift i ri është konfliktuar dhe bashkëshorti dyshohet se ka goditur bashkëshorten në pjesën e ballit.

E reja është transportuar menjëherë në Spitalin Rajonal të Vlorës për të marrë ndihmën mjekësore. Sipas burimeve mjekësore, gjendja e saj është e stabilizuar, dëmtimet janë sipërfaqësore dhe ajo ndodhet jashtë rrezikut për jetën.

Ndërkohë, policia ka shoqëruar bashkëshortin dhe po punon për zbardhjen e plotë të rrethanave të ngjarjes. Në kuadër të hetimeve, autoritetet po marrin deklarime edhe nga e dhunuara.