Vlora Çitaku: Prishtina kurrë më e bukur, verdikti popullor për të gjykuarit në Hagë
Nënkryetarja e PDK-së reagoi pas Marshit për Liri duke shpallur se ish-krerët e UÇK-së morën verdiktin e popullit: të pafajshëm.
Redaksia ZHURMA · · 1 min lexim
PRISHTINË — Nënkryetarja e PDK-së, Vlora Çitaku, ka reaguar pas Marshit për Liri që u zhvillua sot në kryeqytet, duke e cilësuar atë si moment historik. "Kurrë më e bukur nuk është dukur Prishtina", shkroi ajo, duke theksuar pjesëmarrjen e gjerë të qytetarëve. Çitaku tha se marshi ishte thirrje për liri dhe drejtësi për ish-krerët e UÇK-së në Hagë. Ajo shtoi: "Hashim Thaçi, Kadri Veseli, Jakup Krasniqi e Rexhep Selimi sot morën verdiktin e popullit të tyre. Të pafajshëm!". Sipas saj, Prishtina foli edhe për të rënët, dëshmorët dhe familjet e tyre. Policia ka konfirmuar se marshi përfundoi paqësisht.
