Vllaznia mposht Elbasanin 1-0 në stadiumin “Loro Boriçi”

SHKODËR — Vllaznia ka regjistruar një fitore me rezultatin 1-0 ndaj Elbasanit në stadiumin “Loro Boriçi”, në kuadër të javës së 11-të të kampionatit “Abissnet Superiore”. Goli vendimtar për skuadrën e drejtuar nga Csaba Laszlo u shënua nga Uldedaj në minutën e 45-të, duke i siguruar shkodranëve tri pikët e plota përballë tifozëve të tyre.

Gjatë takimit, Elbasani pati disa mundësi të mira për të barazuar rezultatin. Në minutën e 43-të, Nikaj goditi traversën, ndërsa në pjesën e dytë verdheblutë shtuan presionin duke rrezikuar edhe me Mazarit. Megjithatë, portieri Jukaj u bë protagonist me ndërhyrjet dhe pritjet e tij vendimtare për të ruajtur avantazhin e vendasve.

Me këtë sukses, Vllaznia ngjitet në kuotën e 12 pikëve dhe parakalon Partizanin në klasifikim. Ndërkohë, për Elbasanin kjo është humbja e parë nën drejtimin e trajnerit Glen Daja, duke mbetur kështu në kuotën e 15 pikëve.