Vdesin tragjikisht babë e bir në Deçan
Pse u ndanën nga jeta Xhemajl dhe Hasani Mustafaj?
DEÇAN — Xhemajl Mustafaj dhe djali i tij, Hasani, nga fshati Maznik i Deçanit, kanë humbur jetën në një aksident.
Lajmin për vdekjen e tyre e kanë bërë të ditur kryetari i Komunës së Deçanit, Bashkim Ramosaj, dhe kryesuesi i Kuvendit Komunal, Hajdar Sutaj.
Ramosaj në një reagim në Facebook ka shkruar: "Me pikëllim të thellë mora lajmin për ndarjen tragjike nga jeta të Xhemajl Mustafajt dhe birit të tij, Hasanit, nga fshati Maznik. Në emrin tim dhe të Komunës së Deçanit, i shpreh ngushëllimet më të sinqerta familjes Mustafaj, të afërmve dhe gjithë banorëve të Maznikut. Në këto çaste të rënda, ndajmë dhimbjen me ju dhe lutemi që të gjeni forcë për ta përballuar këtë humbje të madhe. I përjetshëm qoftë kujtimi për Xhemajl dhe Hasan Mustafaj."
Ndërkaq, Hajdar Sutaj, kryesues i Kuvendit Komunal të Deçanit dhe zyrtar i AAK-së, përmes një postimi në Facebook shprehu ngushëllime për familjen Mustafaj, duke thënë: "Në këto momente të vështira, shpreh ngushëllimet më të sinqerta për familjen Mustafaj."
Burim: Telegrafi, IndeksOnline, Ekonomia Online
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.