Çfarë i ndodhi 73-vjeçarit në Pejë?

18 korrik, rreth orës 21:30, në rrugën 'Oso Kuka' në Pejë, një 73-vjeçar u gjet pa shenja jete brenda shtëpisë së tij, pasi fqinjët dhe familjarët u alarmuan nga një erë e rëndë që vinte nga shtëpia — raporton Sinjali. Sipas burimeve të Sinjalit, viktima është Rrustem Gashi.

Patrulla policore ka dalë menjëherë në vendin e ngjarjes dhe, pasi ka hyrë në objekt, e ka gjetur Rrustem Gashin të shtrirë në banjë, pa shenja jete. Në vendngjarje ka mbërritur edhe ekipi i Emergjencës, ku mjeku kujdestar ka konstatuar vdekjen e tij.

Me urdhër të Prokurorit, rasti është iniciuar si 'Hetim i vdekjes', ndërsa trupi i pajetë është dërguar në Institutin e Mjekësisë Ligjore për obduksion, me qëllim të sqarimit të shkakut të vdekjes. Në vendin e ngjarjes kanë kryer ekzaminimet njësitë e hetimeve të Stacionit Policor, Hetimet Rajonale dhe Forenzika, ndërsa është njoftuar edhe Prokurori i Shtetit.

Burim: Sinjali
— Redaksia ZHURMA