Sot varroset 49-vjeçari nga aksidenti në Istog

ISTOG — Sot, në varrezat e fshatit Bellopojë, do të bëhet lamtumira e fundit për 49-vjeçarin Esat Fejzaj, i cili humbi jetën në një aksident trafiku të hënën në mëngjes. Ceremonia e varrimit fillon në orën 14:00, njoftuan familjarët e të ndjerit.

Aksidenti ndodhi rreth orës 12:17 në rrugën Bellopojë–Tuçep, në drejtim të deponisë së mbeturinave. Sipas dyshimeve të para të hetuesve, Fejzaj po drejtonte motoçikletën kur, në një kthesë, humbi kontrollin mbi timonin dhe nuk arriti ta mbajë shiritin e tij të lëvizjes.

Motoçikleta kaloi në korsinë e kundërt, ku u përplas ballë për ballë me një kamion për bartjen e mbeturinave që po vinte nga drejtimi i kundërt. Hetimet për shkaqet e sakta të aksidentit vazhdojnë.

Burim: Lajmi.net
— Redaksia ZHURMA