Pse nis vaksinimi i djemve 13-vjeçarë kundër HPV-së në Shqipëri?

TIRANË — Mediat ndërkombëtare i bëjnë jehonë studimit të botuar në revistën prestigjoze shkencore The Lancet për eliminimin e vdekjeve nga kanceri i shkaktuar nga Human Papilloma Virus (HPV) tek gratë dhe burrat që janë vaksinuar herët në Angli. Sipas të dhënave nga studimi, për periudhën 2020-2024 në Angli, tek personat e vaksinuar në moshën e re, janë shënuar 0 raste të vdekjeve nga ky lloj kanceri, një provë e fuqishme e efikasitetit të vaksinës.

Në Shqipëri, përveç vajzave 13 dhe 14 vjeçare që i nënshtrohen vaksinimit të detyrueshëm sipas kalendarit shëndetësor, ka nisur këtë vit edhe vaksinimi i djemve 13 vjeçarë kundër HPV-së. Nga një total prej 15 000 djemve që i përkasin kësaj grupmoshe, deri më tani janë vaksinuar 3400 prej tyre, pra rreth 25 %.

"Ka një interes të shtuar nga djemtë, madje edhe nga mosha pak më të rritura. Deri më tani janë vaksinuar 25 % e tyre," shpjegoi ekspertja Rovena Daja.

Sipas studimit ndërkombëtar, personat që vaksinohen në moshën 12‑13 vjeç ndaj HPV kanë rrezik zero për të vdekur nga kanceri i shkaktuar nga ky virus. Kjo është me rëndësi jetike, pasi besohet se HPV shkakton 99 % të rasteve të kancerit të qafës së mitrës tek gratë, por të rrezikuar nga komplikimet e kancerit të tjera të shkaktuara nga virusi janë edhe meshkujt.

Për të arritur rezultate të ngjashme me Anglinë apo vende të tjera që e kanë përfshirë këtë vaksinë në kalendarin e detyrueshëm, duhet të rritet ndjeshëm përqindja e vaksinimit tek djemtë. Prindërit duhet të kujdesen që në këtë moshë, përveç vaksinës HPV, të aplikojnë edhe vaksinat e tjera të rëndësishme që mbrojnë nga difteria dhe tetanozi.

*Burim: Top Channel, https://top-channel.tv/2026/06/23/mbrojtje-kunder-hpv-se-ne-shqiperi-nis-vaksinimi-i-djemve-13-vjecare/*

*— Redaksia ZHURMA*