Ushtrime ushtarake të KFOR-it me helikopterë në Deçan
Misioni i KFOR-it ka njoftuar për një stërvitje të zhvilluar nga ushtarët bullgarë në kampin “Sparta”, me qëllim forcimin e gatishmërisë dhe koordinimit operacional.
Redaksia ZHURMA · · Përditësuar · 1 min lexim
Në kuadër të aktiviteteve për ngritjen e gatishmërisë operacionale, pjesëtarët e KFOR-it kanë realizuar një stërvitje me helikopterë. Sipas njoftimit të publikuar në rrjetin social Facebook, në këtë operacion janë angazhuar ushtarët bullgarë që veprojnë brenda “Batalionit Kinetik”.
Aktivitetet janë përqendruar në transportin e personelit, evakuimin e trupave si dhe në zbatimin e skenarëve të ndryshëm të emergjencës. Këto veprime kanë shërbyer për forcimin e ndërgjegjësimit për situatën dhe për koordinimin ndërmjet personalit tokësor dhe ekuipazheve ajrore, duke riafirmuar përkushtimin për ruajtjen e një mjedisi të qetë dhe të sigurt për të gjithë banorët.
