Universitetet franceze takohen me studentët kosovarë në nëntor
Përfaqësuesit e universiteteve nga Franca vijnë në Kosovë më 23 nëntor për të prezantuar mundësitë e studimit.
Redaksia ZHURMA · · 1 min lexim
Përfaqësues të universiteteve franceze do të takohen me studentët kosovarë më 23 nëntor, në kuadër të Turneut të Ballkanit. Sipas njoftimit të Ambasadës së Francës në Kosovë, aktiviteti organizohet nga Instituti Francez dhe do të hapet nga ambasadori Jean-François Huchet.
Panairi i studentëve do të mbahet nga ora 09:00 deri në 13:00, ku të rinjtë mund të njihen me programet e studimit dhe të bisedojnë me përfaqësuesit francezë. Gjatë pasdites janë planifikuar edhe takime ndërmjet universiteteve kosovare dhe homologëve të tyre për të shqyrtuar mundësi të reja bashkëpunimi.
