UKZ prezanton arritjet në takimin e projektit CoVE STEM Europe në Gjermani

Universiteti Publik “Kadri Zeka” në Gjilan ka marrë pjesë në takimin e katërt transnacional të partnerëve për projektin CoVE STEM Europe, i cili u mbajt në Mülheim an der Ruhr të Gjermanisë nën organizimin e institucionit ZENIT. Gjatë këtij takimi dyditor, ekipi i universitetit ka shfaqur kontributin dhe të arriturat e veta në fushën e arsimit profesional dhe ekosistemit STEM.

Gjatë punimeve, Luljete Berisha ka shpalosur progresin lidhur me marketingun ndërkombëtar dhe diseminimin. Ndërkaq, Xhevdet Thaqi ka trajtuar zhvillimin e Qendrës së Ekselencës Profesionale në vend, ndërsa Buen Bajrami ka folur për përgatitjet rreth Hakatonit Ndërkombëtar. Nga ana e tij, Valon Syla ka trajtuar perspektivën vendase në fushën e avokimit për ndryshime në politika. Partnerët e konsorciumit kanë shqyrtuar ecurinë e paketave të ndryshme të punës dhe më pas i kanë vazhduar angazhimet në Dortmund.