Pse u ulën lejet e ndërtimit në Maqedoni?

Në muajin maj të vitit 2026, Maqedonia ka parë 340 leje ndërtimi, duke regjistruar një ulje prej 27.5% krahasuar me të njëjtin muaj të vitit të kaluar, njoftoi Enti Shtetëror i Statistikave. Vlera e parashikuar e objekteve të ndërtuara arrin në 6 miliardë e 669 milionë e 367 mijë denarë, që është 15.2% më pak në krahasim me të njëjtin muaj të vitit paraprak. Nga numri i përgjithshëm i lejeve të lëshuara për ndërtim: 229 leje (67.3%) janë për objekte të ndërtimit të lartë, 22 leje (6.5%) për objekte të infrastrukturës dhe ndërtimit të ulët, 89 leje (26.2%) për objekte që kanë të bëjnë me rikonstruksion.

Sipas Entit Shtetëror të Statistikave, nga gjithsej 340 objekte, në 214 raste (62.9%) si investitorë paraqiten persona fizikë, ndërsa në 126 objekte (37.1%) investitorë janë subjekte afariste. Në muajin maj është parashikuar ndërtimi i 840 banesave, me sipërfaqe të përgjithshme të shfrytëzueshme prej 71.561 metrash katrorë.

— Burim: Almakos, https://almakos.com/per-rreth-27-jane-ulur-lejet-e-ndertimit-ne-muajin-maj/

— Redaksia ZHURMA