UEFA i beson gjyqtarit Enea Jorgji drejtimin e ndeshjes në Ligën e Europës
Arbitrat shqiptarë do të drejtojnë sfidat e radhës në arenën ndërkombëtare të futbollit europian.
Redaksia ZHURMA · · 1 min lexim
Arbitrimi shqiptar do të jetë protagonist në ndeshjet e futbollit europian, ku UEFA i ka besuar Enea Jorgjit drejtimin e takimit të Ligës së Europës mes Levski Sofias dhe Jagiellonias. Përballja e caktuar për 5 nëntor do të ketë në fushë një katërshe shqiptare, ku Denis Rexha dhe Ridiger Çokaj do të shërbejnë si asistentë, ndërsa Juxhin Xhaja do të jetë arbitër i katërt.
Përfaqësimi shqiptar shtrihet edhe në dhomën e teknologjisë me Albert Dodën në rolin e AVAR, kurse sistemi VAR do të drejtohet nga italiani Daniele Doveri. Ndërkohë, Florian Lata do të gjykojë sfidën Porto-Napoli në «UEFA Youth League», takim i caktuar më 4 nëntor, ku Taulant Kasa do të jetë asistent i parë dhe Xhulio Mani asistent i dytë.
