Jashari pret gjeneralmajorin Osborn dhe i ndan Medaljen për shërbim vetëmohues

Komandanti i Forcës së Sigurisë së Kosovës, gjenerallejtënant Bashkim Jashari, priti në kazermën “Adem Jashari” në Prishtinë gjeneralmajorin Osborn, agjutantin e përgjithshëm të Gardës Kombëtare të Ajovës, i cili po qëndron për një vizitë zyrtare në vend.

Gjatë këtij takimi, Jashari i ndau gjeneralit Osborn Medaljen për shërbim vetëmohues, si shenjë mirënjohjeje për kontributin dhe përkushtimin në forcimin e partneritetit dhe bashkëpunimit mes FSK-së dhe Gardës Kombëtare të Ajovës.

Në njoftim theksohet se marrëdhënia ndërmjet dy forcave është ndërtuar ndër vite mbi besimin, profesionalizmin dhe vlerat e përbashkëta, duke u vlerësuar si një dëshmi e fuqishme e miqësisë mes Kosovës dhe Shteteve të Bashkuara të Amerikës.