Pse i bëri Trump thirrje Koresë së Jugut për Hormuzin?
Trump i bëri thirrje Seullit nëpërmjet Truth Social, pasi forcat iraniane qëlluan mbi anije tregtare nga vende të treta, përfshirë një anije koreane.
UASHINGTON — Presidenti i Shteteve të Bashkuara, Donald Trump, i ka bërë thirrje Koresë së Jugut të bashkohet misionit ushtarak amerikan — Operacionit "Liria" — në Ngushticën e Hormuzit. Thirrjen Trump e bëri publike nëpërmjet llogarisë së tij në rrjetin social Truth Social.
Thirrja erdhi pasi Trump vuri në dukje se forcat iraniane kanë qëlluar mbi anije tregtare nga vende që nuk janë palë drejtpërdrejt në konfliktin ndërmjet Shteteve të Bashkuara, Izraelit dhe Iranit. Ndërmjet vendeve të prekura, Trump citoi të paktën një anije tregtare me flamur të Koresë së Jugut, e cila është goditur gjatë kalimit nëpër ngushticën e Hormuzit.
Presidenti amerikan iu drejtua Seullit drejtpërdrejt në postimin e tij, duke shkruar: "Ndoshta është koha që Koreja e Jugut t'i bashkohet misionit! Ne fundosëm 7 anije të vogla, ose anije 'të shpejta' siç u pëlqen t'i quajnë atyre. Vetëm kaq u ka mbetur. Përveç anijes së Koresë së Jugut, aktualisht nuk ka anije të tjera të dëmtuara gjatë kalimit nëpër ngushticë."
Trump njoftoi gjithashtu se dy zyrtarë të lartë të administratës — Sekretari i Luftës Pete Hegseth dhe Kryetari i Shefave të Përbashkët të Shtabit Dan Kaine — do të mbajnë konferencë për shtyp mbi Operacionin "Liria" dhe situatën në Hormuz të nesërmen në mëngjes.
Burim: BalkanWeb
— Redaksia ZHURMA