Tre të dyshuar arrestohen në Gjilan pas grabitjes së një ore dore
Policia konfiskoi një brisk gjatë kontrollit të të dyshuarve; pas intervistimit, ata u liruan në procedurë të rregullt.
Redaksia ZHURMA · · 1 min lexim
GJILAN — Një grabitje e një ore dore ndodhi më 7 shtator rreth orës 16:30 në sheshin e Gjilanit, sipas raportit të Policisë së Kosovës. Viktima ishte një burrë.
Tre të dyshuar, shtetas kosovarë, u arrestuan më 9 shtator nën dyshimin se kishin kryer grabitjen. Gjatë kontrollit, njësitet policore gjetën dhe konfiskuan një mjet të mprehtë – brisk, i cili u sekuestrua si dëshmi materiale.
Në konsultim me prokurorin, të dyshuarit pas intervistimit u liruan dhe rasti do të vazhdojë në procedurë të rregullt.
