Trabzonspor çmon Muçin 20 milionë euro — Napoli e Aston Villa në garë
Napoli dhe Aston Villa kanë kontaktuar klubin turk, ndërsa trajneri Fatih Teke nuk dëshiron ta lëshojë sulmuesin shqiptar.
TRABZON — Trabzonspor ka vendosur çmimin e kartonit të sulmuesit shqiptar Ernest Muçi në 20 milionë euro, shkruan e përditshmja turke "Taka Gazete". Sipas burimeve të klubit, dy skuadra evropiane, Napoli i Italisë dhe Aston Villa e Anglisë, kanë kontaktuar tashmë me Trabzonsporin për transferimin e lojtarit.
Shifra e kërkuar është më shumë se dyfishi i parave që Trabzonspor pagoi për ta blerë Muçin nga Beshiktashi, ndërsa vlera e tij aktuale në treg vlerësohet në 11 milionë euro. Situata pritet të mbetet e pasigurt edhe në javët në vazhdim, teksa merkato është ende e hapur.
Trajneri i Trabzonsporit, Fatih Teke, e ka bërë të qartë se nuk dëshiron ta humbasë sulmuesin shqiptar nga Tirana, aq më tepër që klubi ka objektiva ambicioze për sezonin e ri: kualifikimin në Champions League dhe, sipas gazetës, edhe garën për titull.
Muçi u rendit ndër futbollistët më të mirë të Superligës turke në sezonin 2025-2026, me 15 gola dhe 9 asistë në 41 ndeshje gjithsej për Trabzonsporin, nga të cilat 11 gola e 4 pasime vetëm në kampionatin turk.
Burim: ABC News
— Redaksia ZHURMA