Toshkovski: Krimi i organizuar në burgje kërkon përgjigje të përbashkët

Ministri i Punëve të Brendshme, Pançe Toshkovski, iu drejtua Konferencës Rajonale “Krimi i organizuar në burgje: Forcimi i integritetit, inteligjencës dhe bashkëpunimit në Evropën Juglindore”, organizuar nga Misioni i OSBE-së në Shkup, me pjesëmarrjen e përfaqësuesve të institucioneve dhe ekspertëve nga rajoni.

Toshkovski tha se strukturat kriminale mund të vazhdojnë të komunikojnë dhe të ruajnë rrjetet edhe pas privimit të lirisë, duke ndikuar në integritetin e institucioneve dhe sistemin e drejtësisë penale. Ai përmendi dobësi si mbipopullimi, zbatimi i paraburgimit dhe rreziku i rekrutimit të personave të cenueshëm.

Ministri theksoi nevojën për integritet, inteligjencë dhe bashkëpunim ndërmjet shërbimeve të burgjeve, policisë dhe prokurorisë, duke shtuar se asnjë masë nuk jep rezultat të plotë pa bashkëpunim.