Kush ishte togeri kosovar i dënuar për spiunazh dhe çfarë kishte pranuar?

PRISHTINË — Togeri i Policisë së Kosovës Bojan Jevtiq, i dënuar javën e shkuar me gjashtë vjet burgim dhe 2000 euro gjobë për spiunazh dhe armëmbajtje pa leje, ka qenë pjesëtar i Policisë së Serbisë dhe rezervist i ushtrisë së këtij vendi, sipas dokumenteve të gjetura gjatë bastisjes së shtëpisë së tij.

Gjatë gjykimit, Jevtiq i ka pranuar të gjitha akuzat. Ai ka deklaruar se paralelisht me punën në Ministrinë e Punëve të Brendshme të Kosovës, kishte kontratë me MPB-në serbe ("MUP") të paktën që nga viti 2009. Aktakuza përfshin një dokument katërfaqësh të dorëzuar në \1 të Vranjës më 15 qershor 2016, ku babai i tij Vitomir Jevtiq dhe 17 zyrtarë të tjerë të "Ministrisë së Punëve të Brendshme të Serbisë në Kosovë" kërkuan statusin e punësimit të ruajtur në Vranjë.

Në shtëpinë e tij u gjet edhe certifikata nr. 417-2 e datës 14 mars 2017, e lëshuar nga Ministria e Mbrojtjes së Serbisë, që e vërteton si rezervist të liruar nga shërbimi ushtarak, nënshkruar nga majori Igor Milanoviq. Sipas aktakuzës, Jevtiq duhej t'i përgjigjej çdo kërkese të ushtrisë serbe në rast nevoje.

Jevtiq ka kompromentuar një plan operativ konfidencial të miratuar dy ditë pas sulmit terrorist në Banjskë, si dhe një urdhër vigjilence ditën pas sulmit në Varagë. Hetimi i prokurorit special Bekim Kodraliu zbuloi se ai i kishte pyetur zyrtarët e \1-s serbe nëse do të ndaloheshin zyrtarë policorë kosovarë gjatë kalimit në Serbi. Në një rast më 21 korrik 2024, ai i kishte konfirmuar një kolegu në Zvicër se nuk ishte në listën e ndalimit të BIA-s.

Kontaktet e tij përfshinin zyrtarët e BIA-s Sasha Qiriq, Ivica Stakoviq, Branimir Filiq, Nebojsha Nedelkoviq dhe një person të ruajtur si "Radica Carina" ("Radica Doganë"). Jevtiq i kishte dërguar Serbisë raporte inteligjente për kontrabandën me migrantë, narkotikë dhe mallra, si dhe informacione për personat e ndaluar nga Policia e Kosovës. Ai është zyrtari i parë i Policisë së Kosovës i dënuar për spiunazh.

Burim: Koha.net
— Redaksia ZHURMA