Tiranë: Përplasje të reja mes protestuesve dhe militantëve të PD

TIRANË — Protesta antiqeveritare e zhvilluar në kryeqytet u karakterizua nga përplasje të reja, ndërkohë që tensionet u shtrinë edhe brenda vetë tubuesve kur studentët u përpoqën të përzënë deputetët dhe militantët e Partisë Demokratike nga zona para Ministrisë së Arsimit. Grupet e studentëve lëshuan thirrje kundër krerëve politikë dhe shpalosën një banderolë gjigante me mesazhin për burgosjen e kryeministrit Edi Rama dhe liderit të opozitës Sali Berisha, duke shkaktuar debate dhe shtyrje fizike me mbështetësit e opozitës që u nisën nga selia e partisë drejt ndërtesës së Kryeministrisë.

Situata eskaloi me hedhjen e gurëve, mjeteve të forta, fishekzjarreve dhe molotovëve në drejtim të forcave të rendit, të cilat u kundërpërgjigjën me sprej djegës, gaz lotsjellës dhe autobotë uji për të shuar mjetet piroteknike dhe shpërndarë turmat. Organizatorët e protestës studentore njoftuan se tubimet do të mbahen rregullisht çdo të mërkurë dhe të shtunë, duke kërkuar dorëheqjen e kryeministrit.