Thomas Markle arrestuar nga FBI për abuzim seksual

Thomas Markle, babai i Meghan Markle, është arrestuar nga FBI-ja në Shtetet e Bashkuara në kuadër të një hetimi ndërkombëtar për posedim të materialeve të abuzimit seksual me fëmijë, siç raportuan mediat. Rasti ka përfshirë autoritetet në Shtetet e Bashkuara, Meksikë dhe Filipine, të cilat kanë kryer verifikime në mjedise të ndryshme ku 82-vjeçari ka jetuar ose ka mbajtur sende personale ndër vite.

Siç raportoi Zhurma më 26 tetor 2026, Meghan Markle i dërgoi letër të atit pas akuzave për abuzim seksual, duke dalë detaje nga komunikimi i dhjetorit 2025 ku Dukesha e Sussex-it i ndaloi të atit takimin me fëmijët pas akuzave të rënda Meghan Markle i dërgoi letër të atit pas akuzave për abuzim seksual.

Agjentët federalë amerikanë kontrolluan qendrën e azilit për të moshuarit Maravida në Lakeland të Floridës, ku banon aktualisht Markle, pas zbulimit të materialeve të papërshtatshme në prona të lidhura me të në Meksikë dhe Filipine. Sipas informacioneve nga Daily Mail, arrestimi i tij u krye për posedim të Materialeve të Abuzimit Seksual me Fëmijë, të njohura shkurtimisht si CSAM. Hetimet nisën pasi autoritetet u njoftuan për gjetjen e materialeve të tilla në një depo të marrë me qira pranë ish-shtëpisë së tij në Rosarito të Meksikës.

Autoritetet meksikane, përfshirë efektivë të Gardës Kombëtare, specialistë të forenzikës dixhitale dhe përfaqësues të zyrës së prokurorit të përgjithshëm të shtetit Baja California, zhvilluan një kontroll të autorizuar nga gjyqtari Estefani Moreno Gutierrez në magazinën që Markle e kishte marrë me qira në vitin 2017. Gjatë bastisjes, sipas raportimeve, u sekuestruan pajisje ruajtjeje USB, videokaseta VHS, kompjuterë, disqe të ngurtë, revista dhe materiale të tjera me përmbajtje të papërshtatshme. Pronari dhe punonjësit e biznesit deklaruan se nuk kishin dijeni për sendet e ruajtura në ambientin që nuk ishte zbrazur para largimit të tij në Filipine në fillim të vitit 2025.

Thomas Markle lëviz me karrige me rrota pasi i është amputuar njëra këmbë dhe, para se të arrestohej, ishte vendosur në një qendër rezidenciale për të moshuarit e specializuar në kujdesin për personat me demencë, ku tarifa mujore llogaritet rreth 3900 dollarë. Kur informacionet për materialet dolën fillimisht në publik, ai kundërshtoi çdo përfshirje në veprimtari të paligjshme dhe mohoi se kishte pasur magazinë në Rosarito, duke pretenduar se brenda saj kishte vetëm kujtime familjare, letra dhe fotografi pa përmbajtje të dyshimtë. Megjithatë, hetuesit zbuluan gjithashtu materiale të tjera shqetësuese dhe adresa të lidhura me rrjetin e errët.

Në këtë çështje janë angazhuar edhe agjentë të FBI-së në Kaliforninë Jugore, ndërsa policia filipinase po i afrohet ngritjes së akuzave zyrtare pas zbulimit të imazheve të ngjashme në ish-shtëpinë e tij atje. Dukesha e Sussex-it i ka ndërprerë të gjitha kontaktet me të prej vitesh.