Maqedonia e Veriut përvëlohet nga vapa — temperaturat arrijnë deri në 39°C
Në Shkup temperaturat maksimale do të kapin vlerën 38°C, ndërsa në ditët në vijim në disa vende pritet të shkojnë deri në 40°C.
SHKUP — Moti do të jetë me diell dhe shumë i nxehtë në të gjithë vendin, me vranësira të pakta deri në ato mesatare lokale. Temperaturat minimale do të lëvizin nga 11 deri në 22°C, ndërsa ato maksimale do të arrijnë nga 33 deri në 39°C. Do të fryjë erë e dobët deri në mesatare.
Në kryeqytet, në Shkup, moti do të mbetet gjithashtu me diell dhe shumë i nxehtë, me vranësira të pakta deri në ato mesatare. Temperatura minimale do të zbresë deri në 17°C, ndërsa maksimalja do të arrijë deri në 38°C, teksa do të fryjë një erë e dobët nga drejtimi veriperëndimor.
Gjatë ditëve në vijim moti do të vazhdojë të jetë shumë i nxehtë, me temperatura ditore që në disa vende do të arrijnë deri në 40°C. Gjatë orëve të pasdites priten vranësira të paqëndrueshme lokale, të cilat do të sjellin reshje të shkurtra shiu dhe bubullima nëpër rajonet malore.
Burim: TV21
— Redaksia ZHURMA