Tahiri: S’guxon të bëhet Kuvendi muze, bllokada është abuzim

PRISHTINË — Shefi i grupit parlamentar të Aleancës, Besnik Tahiri, ka kritikuar zvarritjen e vazhdimit të seancës për konstituimin e Kuvendit. Përmes një videoje të publikuar nga ambientet e Kuvendit në profilin e tij në Facebook, ai tha se seanca është dashur të fillojë, por deputetët nuk kanë marrë asnjë ftesë.

Tahiri theksoi se është shkelur rregullorja e punës së Kuvendit dhe aktvendimi i Gjykatës Kushtetuese. Sipas tij, Kuvendi nuk guxon të shndërrohet në muze dhe duhet të ushtrojë funksionin e tij për të nisur punën, duke e cilësuar bllokadën aktuale si shkelje dhe abuzim.

Burimet: Epoka e Re, IndeksOnline, Zhurnal.mk, Demokracia, Gazeta Dukagjini, Telegrafi, Koha.net, Gazeta Metro.