Si e vlerëson Tahiri marrëdhënien e qeverisë me sektorin privat?
Nënkryetari i AAK kritikon menaxhimin ekonomik të qeverisë në detyrë dhe premton rritje të pragut të TVSH-së.
PRISHTINË — Nënkryetari i Aleancës për Ardhmërinë e Kosovës (AAK), Besnik Tahiri, ka kritikuar ashpër qeverinë në detyrë për politikat ndaj sektorit privat, duke e quajtur atë "të sulmuar" dhe "armik" të ekzekutivit aktual.
Tahiri tha se në Kosovë është bërë tregti me energji në vlerë rreth 1 miliard euro, ndërsa investimet kapitale kanë mbetur "shumë të ulëta". Ai theksoi se në pesë vitet e fundit "katër rrugë nuk janë kryer".
Sipas tij, sektori privat është "motori kryesor i punësimit" në vend, por po trajtohet si kundërshtar nga qeveria. Për masat ekonomike, Tahiri njoftoi se AAK synon rritjen e pragut të TVSH-së nga 30 në 100 mijë euro dhe formalizimin e mbi 5 mijë bizneseve të vogla për të rritur qarkullimin.
Burim: Zëri
— Redaksia ZHURMA