Superliga vazhdon me dy ndeshje dhe derbi në Gjilan

GJILAN — Java e pestë e Albi Mall Superligës së Kosovës vazhdon me dy përballje interesante, ku skuadrat kërkojnë pikë të rëndësishme për objektivat e tyre në këtë fillim të sezonit. Në përballjen e parë në Drenas, Feronikeli e pret Dritën, me vendasit që janë në kërkim të pikëve të para pas katër humbjeve në katër ndeshjet e zhvilluara, kurse Drita udhëton me një bilanc prej dy fitoreve dhe një barazimi. Kjo përballje nis nga ora 16:00.

Në të njëjtën kohë, në Gjilan zhvillohet derbi i madh mes Gjilanit dhe Ballkanit. Gjilani e luan këtë ndeshje pas një starti me dy fitore, një barazim dhe një humbje, ndërsa Ballkani ka regjistruar tri fitore radhazi pas humbjes në fillim të sezonit ndaj Prishtinës. Ndeshja luhet nën ndriçimin e reflektorëve dhe fillon nga ora 19:00.