Sulejmani: Vendimi për himnin në Gazi Babë është i përshpejtuar

Zëvendësministri i Arsimit, Driton Sulejmani, ka thënë se vendimi për intonimin e himnit në shkollat e Komunës së Gazi Babës është marrë me ngut. Ai u shpreh se për çështje të tilla duhet të ketë dialog paraprak dhe se fokusi duhet të jetë te cilësia e arsimit dhe kushtet për nxënësit.

Në emisionin “Impakt” në TV SHENJA, Sulejmani deklaroi se nuk e di sa mund të jetë obligativ vendimi për shkollat në gjuhën shqipe dhe se kryetari i komunës nuk ka bërë mirë që është nxituar. Ai shtoi se konkluzionet pas dialogut janë më të mira sesa imponimet, të cilat nuk janë të mira në politikë.

Sulejmani theksoi se himni i shtetit nuk është veprim i duhur dhe se prioritet duhet të jenë arsimi cilësor, kushtet e mira për procesin edukativo-arsimor dhe kuadri i mirë arsimor, e jo punët terciare.