Sulejmani: BDI manipulon, politikat e VLEN-it i dhanë komunë shtesë

Driton Sulejmani nga koalicioni VLEN, në emisionin "Debat në Shenja", deklaroi se populli e ka dhënë verdiktin e tij pas zgjedhjeve lokale në Bërvenicë, duke vlerësuar se fituese ka dalë demografia. Ai theksoi se rezultati zgjedhor nuk duhet të marrë kuptime të tjera politike, pasi gjatë fushatës janë ngritur tema që nuk lidhen me pushtetin lokal.

Sulejmani kritikoi BDI-në për përfshirjen e temave kombëtare gjatë zgjedhjeve lokale, duke e cilësuar këtë si përpjekje për manipulim politik. Ai deklaroi se çështje të tilla duhet të përkasin zgjedhjeve parlamentare, jo atyre lokale. Ndërsa për akuzat e VLEN-it për destruktivitet, Sulejmani theksoi se politikat konstruktive të koalicionit kanë mundësuar sigurimin e një komune më shumë për BDI-në.

Duke folur për zhvillimet pas zgjedhjeve lokale 2025, Sulejmani tha se Haqim Ramadani ka hequr dorë nga simbolet partiake, ndërsa Arkin Jahiu nuk ka bërë këtë. Ai shtoi se kandidati i VLEN-it ka shkuar për ta uruar dhe për t’i dhënë mbështetje.

Sulejmani vlerësoi se deklaratat e kryeministrit Hristijan Mickoski mund të jenë pjesë e folklorit parazgjedhor dhe paszgjedhor, ndërsa për marrëdhëniet brenda Qeverisë theksoi se ajo nuk është ndërtuar për një komunë të vetme dhe se zhvillimet lokale nuk ndikojnë në raportet mes partnerëve qeveritarë.