Statistikë e lartë për Ernest Muçin te Trabzonspori në Europë

Ernest Muçi po kalon një periudhë të suksesshme te Trabzonspori, duke u renditur i katërti në listën e lojtarëve me rastet e pastra të krijuara për gol në dhjetë ligat kryesore të Europës. Superliga turke bën pjesë në këtë grup të rëndësishëm, ku lojtari pogradecar mbetet përfaqësuesi i vetëm nga Turqia në këtë renditje prej dhjetë futbollistësh.

Statistikat tregojnë se ai numëron tetë raste të pastra të krijuara në po aq paraqitje, me një mesatare prej 1,3 raste për 90 minuta. Më shumë se ai kanë prodhuar vetëm Lamine Jamal i Barcelonës, Arda Gyler i Realit dhe Thauvin i Lensit, ndërsa Muçi ka lënë pas emra të njohur si Dybala, Olise, Barela dhe Olmo. Pasi janë luajtur nëntë javë, ai mbetet futbollisti që krijon më shumë mundësi shënimi në Turqi, duke përmbushur detyrën e tij si fantazist apo numër dhjetë.