Sa krerë ka stabilimenti që eksporton vezë të lëngshme në BE?
Pse është AIBA i vetmi stabiliment në Shqipëri që eksporton vezë të lëngshme drejt Bashkimit Evropian?
XHAFZOTAJ — Ministri i Bujqësisë, Andis Salla dhe homologu i tij kosovar, Armend Muja vizituan stabilimentin e kompanisë AIBA, i cili ka një kapacitet prej 350 mijë krerësh të shpërndarë në pesë kapanone. Ky stabiliment është ndër njësitë më moderne të prodhimit të vezëve në Shqipëri dhe i vetmi që eksporton vezë të lëngshme drejt Bashkimit Evropian.
Gjatë vizitës, Muja u njoh me teknologjinë e aplikuar, sistemin e gjurmueshmërisë dhe masat e sigurisë ushqimore që garantojnë kontroll të plotë në të gjithë zinxhirin e prodhimit. Salla theksoi se AIBA përmbush standardet strikte të tregut europian, duke rritur konkurrueshmërinë e produkteve "Made in Albania".
Investimi vlerësohet si model i modernizimit të sektorit agro-ushqimor, me ndikim të drejtpërdrejtë në rritjen e eksporteve. Ministrat theksuan rëndësinë e mbështetjes për investime të tilla, të cilat kontribuojnë në zhvillimin ekonomik të vendit.
Burim: ATSH
— Redaksia ZHURMA