Specialja publikon versione më pak të redaktuara të 29 dëshmitarëve

Dhomat e Specializuara të Kosovës kanë njoftuar se Trupi Gjykues ka ndërmarrë hapa për rritjen e transparencës në procesin gjyqësor për krime lufte ndaj Hashim Thaçit dhe të tjerëve. Sipas njoftimit zyrtar, gjatë muajit tetor 2026 është lëshuar urdhri për bërjen publike të versioneve më pak të redaktuara të transkripteve të dëshmive të 29 dëshmitarëve.

Ky vendim vjen pas rasteve të mëparshme kur u publikuan dëshmitë e 20 dëshmitarëve të tjera që më parë mbaheshin si konfidenciale. Nga ana e institucionit bëhet e ditur se materialet e klasifikuara i nënshtrohen një rishikimi të vazhdueshëm me qëllim që në të ardhmen të ketë edhe më shumë dokumente publike, duke ruajtur njëkohësisht sigurinë dhe mbrojtjen e viktimave e dëshmitarëve.

Gjatë këtij gjykimi, një pjesë e madhe e dëshmitarëve kanë dëshmuar plotësisht ose pjesërisht në seanca të hapura për publikun, ndërsa 61 dëshmitarë të tjerë kanë dhënë dëshmitë e tyre pa u shoqëruar me asnjë masë mbrojtëse.