SPAK merr në pyetje sekretarin e Përgjithshëm të Ministrisë së Financave
Gentian Keri merret në pyetje nga Prokuroria e Posaçme për çështjen e bllokimit të pagave të gjyqtarëve dhe prokurorëve.
Redaksia ZHURMA · · Përditësuar · 1 min lexim
Prokuroria e Posaçme ka marrë në pyetje sekretarin e Përgjithshëm të Ministrisë së Financave, Gentian Keri, në kuadër të hetimeve për bllokimin e pagave të gjyqtarëve dhe prokurorëve. Çështja në fjalë u kallëzua në SPAK në muajin shtator dhe përfshin gjithashtu ministrin e Financave si person të kallëzuar, për të cilin ende nuk është caktuar data se kur do të merret në pyetje.
Gjatë dëshmisë së tij para një hetuesi të Byrosë Kombëtare të Hetimit, Keri deklaroi se ka zbatuar ligjin lidhur me vendimmarrjen që çoi në moskalimin e pagave të magjistratëve. Lidhur me pretendimin e një drejtoreshe të degës së Thesarit, e cila dëshmoi se është kërcënuar prej tij, sekretari i Përgjithshëm u shpreh se thjesht i kishte tërhequr vëmendjen zyrtares për shkak të moszbatimit të ligjit.
