Pse kërkon SPAK 400 mijë lekë gjobë për ish-deputeten Bushka?
Prokuroria e Posaçme paraqiti konkluzionet përfundimtare për 11 të pandehur në çështjen e ndarë nga ajo e Erion Veliajt.
TIRANË — Prokuroria e Posaçme kundër Korrupsionit dhe Krimit të Organizuar (SPAK) ka kërkuar dënimin me 400 mijë lekë gjobë për ish-deputeten Klotilda Bushka, një nga 11 të pandehurit në çështjen e ndarë nga ajo e kryetarit të Bashkisë së Tiranës, Erion Veliaj.
SPAK paraqiti të mërkurën konkluzionet përfundimtare për shkak të gjykimit të shkurtuar të kësaj çështjeje. Vetëm për të pandehurin Elman Abule u kërkua dënimi me burg, ndërsa për të tjerët, përfshirë Bushkën, u kërkua gjobë ose pezullimi i dënimit.
Burim: Reporter.al
— Redaksia ZHURMA