Si u torturuan të burgosurit shqiptarë në Burgun e Prishtinës gjatë luftës?
Pse Prokuroria Speciale ngriti dy aktakuza për krime lufte kundër ish-gardianëve të burgjeve në Prishtinë dhe Lipjan?
PRISHTINË — Prokuroria Speciale e Republikës së Kosovës ka dorëzuar në Gjykatën Themelore në Prishtinë dy aktakuza për krime lufte kundër popullsisë civile, me propozim për gjykim në mungesë.
Në aktakuzën e parë, J.J. dhe A.S., ish-gardianë të Burgut të Prishtinës dhe paraleles së tij në Lipjan, akuzohen për keqtrajtimin e të burgosurve shqiptarë gjatë viteve 1998-1999. Ata i kanë torturuar me mjete si shkopinj gome, shufra metalike dhe shqelma, duke i lënduar deri në alivanosje, dhe i kanë kanosur me vrasje.
Në rastin e dytë, katër të pandehurat — L.S., D.L., S.A. dhe B.S. — akuzohen se, në bashkëpunim me tashmë të akuzuarën N.C., kanë keqtrajtuar në mënyrë sistematike të burgosurat shqiptare në Burgun e Prishtinës për gra në Lipjan. Torturat përfshinin dhunë fizike dhe psikike.
Të dy aktakuzat kanë të bëjnë me periudhën e luftës 1998-1999 dhe përshkruajnë metoda çnjerëzore të përdorura ndaj të burgosurve. Pse shpallja e vendimeve për ish-krerët e UÇK-së u shty për shtator?
Burim: IndeksOnline
— Redaksia ZHURMA