Si u sulmua ekipi i TV Dukagjini gjatë raportimit në Gjilan?
AGK-ja dënon sulmin dhe e fton Komunën e Gjilanit të distancohet nga veprimet e punonjësit të kompanisë ndërtimore.
GJILAN — Gazetarja Blerta Zuka dhe kameramani Enkelej Shaljani të TV Dukagjini janë sulmuar fizikisht sot, gjatë realizimit të një kronike për punimet në sheshin e Gjilanit. Një punonjës i kompanisë ndërtimore i ka shtyrë fizikisht dhe i ka pamundësuar vazhdimin e punës.
AGK-ja e dënon fuqishëm sulmin dhe e konsideron atë "pengim me forcë të ushtrimit të punës profesionale dhe sulm ndaj lirisë së medias në vend". Asociacioni e fton Komunën e Gjilanit — e cila është përgjegjëse për punimet — të distancohet nga ky veprim, si dhe organet e sigurisë e drejtësisë të veprojnë me shpejtësi për ta mbajtur përgjegjës sulmuesin.
Burim: Telegrafi
— Redaksia ZHURMA