Si u shpërblye vogëlushi uzbek që qau pas humbjes nga Kolumbia?
Kombëtarja e Uzbekistanit ftoi në stërvitje dhe i dhuroi dhurata të veçanta tifozit të vogël, lotët e të cilit pas humbjes 3:1 prekën rrjetet sociale.
MEKSIKO — Një nga momentet më prekëse të Kupës së Botës 2026 nuk ka ndodhur në fushën e lojës, por në tribunat e stadiumit gjatë përballjes mes Uzbekistanit dhe Kolumbisë. Pas humbjes së kombëtares së tij me rezultatin 3:1, një tifoz i vogël uzbek u filmua duke qarë me lot në sy.
Këto pamje prekëse u shpërndanë gjerësisht në rrjetet sociale, duke prekur mijëra tifozë në mbarë botën. Megjithatë, historia e këtij vogëlushi mori një kthesë të jashtëzakonshme vetëm pak ditë më vonë falë vëmendjes së madhe që mori ky moment i veçantë.
Ai pati mundësinë të takonte nga afër futbollistët e kombëtares së Uzbekistanit dhe të ndiqte një seancë stërvitore të ekipit. Përveç kësaj, ai mori edhe dhurata speciale nga idhujt e tij, duke e kthyer dëshpërimin e tij fillestar në një kujtim të paharrueshëm.
Ky gjest i lojtarëve u vlerësua lart nga sportdashësit, si një shembull i bukur i lidhjes së fortë mes ekipit dhe fansave. Tashmë, Uzbekistani e zhvillon ndeshjen e radhës ndaj Portugalisë më 23 qershor, duke filluar nga ora 19:00.
Burim: IndeksOnline
— Redaksia ZHURMA
