Si nisi zbatimi i Pakos së Ahtisarit me Kushtetutën e vitit 2008?
Kosova shënon 18-vjetorin e hyrjes në fuqi të Kushtetutës së saj, e cila vulosi pavarësinë dhe hapi rrugën për zbatimin e Pakos së Martti Ahtisaarit.
PRISHTINË — Vetëm katër muaj pas shpalljes zyrtare të Pavarësisë së Kosovës, pikërisht më 15 qershor të vitit 2008, ka hyrë në fuqi Kushtetuta e saj. Ky dokument themeltar e përcakton Republikën e Kosovës si shtet të pavarur, sovran, demokratik, unik dhe të pandashëm, duke shënuar kështu një kapitull të ri për vendin.
Në tekstin e Kushtetutës thuhet shprehimisht se Republika e Kosovës është shtet laik dhe një shoqëri shumetnike. Kjo shoqëri, siç saktësohet në këtë dokument, është e përbërë nga shqiptarët dhe nga komunitetet e tjera, duke shënuar kështu fillimin e rregullimit të ri kushtetues katër muaj pas shpalljes së pavarësisë së saj.
Hyrja në fuqi e Kushtetutës së Kosovës shënon fillimin e një periudhe të re të zhvillimeve politike. Ky dokument ka hyrë në fuqi 120 ditë pas shpalljes së pavarësisë së vendit, moment ky kur filloi edhe zbatimi i planit të ish-kryenegociatorit të Kombeve të Bashkuara, Martti Ahtisaari.
Institucionet e Kosovës kishin arritur që për një periudhë të shkurtër kohore të përgatisnin dhe të miratonin gjithsej 40 ligje. Këto ligje dolën si propozim i drejtpërdrejtë nga Pakoja e Ahtisaarit, duke i hapur rrugë zbatimit të plotë të këtij plani menjëherë pas hyrjes në fuqi të Kushtetutës.
Burim: Lajmi.net
— Redaksia ZHURMA