Shqiptari në Itali kthehet nga arresti shtëpiak në qeli për drogë

Një 50-vjeçar shqiptar është arrestuar në Itali, pasi u kap në flagrancë me një sasi lëndësh narkotike të destinuara për shitje në komunën e Velletrit në Romë, duke u transferuar nga arresti shtëpiak në qeli gjatë një operacioni të kryer në orët e para të mëngjesit të 3 nëntorit. Më parë, ndaj të dyshuarit ishte vendosur masa e arrestit shtëpiak për shkak se ai ishte njohur tashmë për policinë italiane, e cila kishte urdhëruar kontrolle rutinë për personat që i nënshtroheshin masave kufizuese. Sipas të dhënave të publikuara nga media, gjatë kontrollit të ushtruar në banesën e tij, oficerët e policisë gjetën gjithsej 55 gramë lëndë narkotike, e cila ishte gati për t'u shpërndarë. Përveç lëndës së dyshuar narkotike, autoritetet italiane gjatë operacionit sekuestruan gjithashtu edhe një peshore, si dhe materiale të ndryshme të konsideruara të përshtatshme për prerjen dhe paketimin e dozave për shitje me pakicë. Operacioni u zhvillua në kuadër të kontrolleve të rregullta që policia italiane ushtron ndaj personave që mbahen nën masa kufizuese të lirisë brenda territorit të tyre. Sasia e gjetur e lëndës narkotike dhe mjetet e tjera të sekuestruara në banesë shërbyen si prova materiale që çuan në ndryshimin e menjëhershëm të masës së sigurisë për 50-vjeçarin shqiptar. Me konstaktimin e shkeljes së kushteve të arrestit shtëpiak dhe kapjen në flagrancë me substanca të ndaluara, organet e rendit vendosën dërgimin e tij në qeli për të vazhduar procedurat e mëtejshme ligjore. Autoritetet e rendit në Itali nuk kanë njoftuar ende detaje shtesë mbi datën e seancës së ardhshme gjyqësore ku do të vlerësohet masa e sigurisë për shtetasin shqiptar të arrestuar në komunën e Velletrit.