Shqiptarëve u duhen 28 mijë dollarë në vit për 'lumturi' — paga mbulon vetëm 35%
Paga mesatare në Shqipëri mbulon vetëm 34.8% të këtij pragu vjetor, sipas të dhënave të publikuara nga Visual Capitalist.
TIRANË — Një shqiptar duhet të sigurojë rreth 28 mijë dollarë të ardhura në vit për të arritur 'pragun e lumturisë', sipas një analize ndërkombëtare të publikuar nga Visual Capitalist. Ky studim, i bazuar në të dhënat e Remitly dhe kërkimet e Universitetit Purdue, mat raportin mes parave dhe kënaqësisë nga jeta.
Të ardhurat e një punonjësi mesatar në Shqipëri, të cilat llogariten në rreth 10 mijë dollarë në vit, mbulojnë vetëm 34.8% të nivelit të nevojshëm për mirëqenie. Kjo do të thotë se hendeku vjetor është më shumë se 18 mijë dollarë. Në nivel mujor, pragu i lumturisë është rreth 2.316 dollarë, ndërsa paga mesatare arrin vetëm në 830 dollarë.
Sipas të dhënave të INSTAT dhe Eurostat për vitin 2025, paga mesatare bruto në Shqipëri ishte rreth 10.300 euro në vit. Ky tregues mbetet më i ulëti në rajon, pasi në Serbi paga arrin në 15.500 euro, në Mal të Zi 14.500 euro dhe në Maqedoninë e Veriut rreth 13.200 euro.
Burim: Insajderi
— Redaksia ZHURMA
